Дзень роднай мовы

Займальны марафон да Дня роднай мовы

З нагоды Міжнароднага дня роднай мовы, які адзначаецца ў розных краінах свету 21 лютага, 4 класы ДУА "Гімназіі г. Смаргоні" прынялі ўдзел у моўным марафоне "Дзень з роднай мовай". Вучні вандравалі па станцыях і ў гульнёвой форме выконвалі разнастайныя займальныя заданні.

Дзеці працавалі з лэпбукам "Беларускія фразеалагізмы". Цікавай і займальнай была работа з крыжаванкай "Часціны мовы". Вучні паспрабавалі свае сілы ў ролі перакладчыкаў. Каманды паказалі выдатныя веды ў інтэрактыўнай віктарыне "Падарожжа па родным краі". Удзельнікам асабліва спадабалася музычнае заданне "Спяваем беларускія песні".

 Да мерапрыемства было падрыхтавана хатняе заданне творчага характару: зрабіць кніжкі-малышкі, міні-лэпбукі, скласці рэбусы і крыжаванкі, гульні-разразанкі.

Усе работы вучняў былі прадстаўлены ў школьнай бібліятэцы на выставе, прысвечанай Міжнароднаму дню роднай мовы.

Мэтай марафона было сабраць, прачытаць і абмеркаваць выказванне вядомага беларускага пісьменніка У. Караткевіча "Хто забыў сваіх продкаў - сябе губляе, хто забыў сваю мову - усё згубіў".

Класныя караўнікі Лемеш Л.А., Скальская В.М., Квятвекіч Л.Я., Петрусевіч Т.І. і музычны кіраўнік Карней М.П. выказваюць шчырую падзяку вучням 4 класаў і іх бацькам за актыўны ўдзел у марафоне.

Любоў да роднага краю, да Радзімы пачынаецца з любові і пашаны да роднай мовы.